بھون گیر میں دو فریقین کے درمیان جھڑپیں

حیدرآباد ۔13۔جنوری(اعتماد نیوز)ضلع نلگنڈہ میں آج دو فریقین کے درمیان تنازعہ سے بڑے پیمانہ پر جھڑپیں ہوگئیس۔ تفصیلات کے مطابق کانگریس کے نمائندہ رفیق احمد نے ضلع نلگنڈہ میں کانگریس کے اسمبلی و پارلیمانی امدواروں کے انتخاب کے لئے کانگریس کارکنوں سے رائے حاصل کر رہے تھے کہ اچانک رکن پارلیمنٹ نلگنڈہ کومٹ ریڈی راج گوپال ریڈی اور



سابق وزیر دامودر ریڈی کے حامیوں کے درمیان جھڑپیں ہوئیں۔دونوں فریقین نے ایک دوسرے کے خلاف نعرے بازی کرتے ہوئے چپلوں کو پھینکنے لگے۔ جس پر فریقین کے درمیان تنازعہ پیدا ہوگیا۔ پولیس کی جانب سے مداخلت کی گئی۔چنانچہ پولیس نے کاروائی کرتے ہوئے اشرار پر لاٹھی چارج کیا۔ جس میں دو کانس ٹیبل اور کانگریس کے چند کارکن زخمی ہو گئے۔چنانچہ اس موقع پر ایک دوسرے کے خلاف پولیس کو شکایت کی۔